Homenaxe en O Grove a Lorena Lores

A nosa secretaria, e profesora de canto, Lorena Lores foi homenaxeada o pasado 27 de xullo no Grove, a terra do seu pai e da súa nai. Dentro da mostra ‘Pontevedra en América. Unha mirada en feminino‘, Lorena Loreas, actriz, cantante, compositora e produtora arxentina, foi a protagonista da exposición, cunha conferencia na que presentou a súa visión persoal sobre a emigración.

A mostra itinerante da Deputación de Pontevedra e da Cátedra Iberoamericana da USC pon en valor a historia de 13 mulleres da e na emigración. A deputada provincial Noemí Outeda xunto co alcalde do municipio, José Cacabelos, a catedrática emérita de Historia e Institucións Económicas da USC, María Xosé Rodríguez Galdo, e a directora da Cátedra Iberoamericana da USC, María Cadaval, foron os e as encargadas de inaugurar esta exposición que presenta a mulleres de e na emigración.
Lorena Lores deu unha conferencia-homenaxe na que coñeceron a súa mirada en feminino da emigración.

• 

• 

A mostra presenta a experiencia vital de 13 grandes mulleres nadas na provincia que emigraron ou nadas na emigración pero con orixe pontevedresa, como Lorena Lores, que xogaron un papel fundamental e imprescindible, aínda que invisibilizado. Con esta exposición complétase a historia de relación entre Galicia e América, presentando a mulleres que contan cunha importante traxectoria en diferentes áreas. No caso de Lorena, nacida en Buenos Aires en 1968, e secretaria xeral da Federación de Asociacións Galegas da Arxentina desde 2018. Cualificou á nosa entidade como “templo dá galeguidade”, e que xunto aos seus irmáns foi, “adoptando para sempre dúas patrias, dúas linguas, dúas culturas”.

Ademais de Lorena Lores, a protagonista no Grove de Pontevedra en América. Unha mirada en feminino, integran a mostra outras doce mulleres, e a súa relación coa emigración, presentadas por María Xosé Rodríguez Galdo, como as de Isabel Barreto, Mercedes Ruibal, Teresa Táboas, Elena Colmeiro, Virxinia Pereira, Nélida Piñón Anisia Miranda, María Araújo, Josefa Emilia Sabor, Mariví Villaverde, María Vinyals e Isabel Gómez, para as que o tempo vivido en América e Pontevedra constitúe o nexo de unión