Higinio Martínez Estévez (1940-2021)


Foise a falar con Castelao e Rosalía o noso benquerido compañeiro Higinio Martíns (Higinio Martínez Estévez).


Higinio Martínez, como moitos de nós, tiña a Galiza na ialma. Naceu en Bos Aires, fillo de país galegos e viviu algúns anos na terra. A súa profesión era a de avogado e docente, mais todo o mundo da fala galaicoportuguésa o nomeaba polo seu coñecemento da lingua e os seus estudios filolóxicos. Dende fai anos impartía cursos da lingua galega, mitoloxía e historia dos pobos celtas do norte da península. O seu curso anual de galego-portugués tivo 44 edicións ata o pasado 2020, xa en modo virtual por mor da pandemia.
Foi parte dos tres primeiros congresos internacionais da Lingua Galego Portuguesa organizados por AGAL (Associaçom Galega da Língua), da cal era un prestixioso membro. Foi fundador da Academia Galega da Língua Portuguesa, e, asi mesmo foi impulsor da ADIGAL (Associaçom de Amigos do Idioma Galego), institución única na Arxentina. O profesor Higinio participaba como asiduo colaborador, dende os seus inicios, do programa radiofónico Galiza Emigrante, tanto na tertúlia como na súa columna de cultura galega.

Amigo, como poucos, intelectual dos que xa non quedan, loitador das causas xustas, galeguista e feminista de sempre. As súas amizades do Galiza Emigrante, da Federación de Asociacións Galegas da República Arxentina, da ADIGAL, e a Galeguidade Universal choran a súa partida e irreparabel perda.
Facémoslle chegar a súa familia o noso agarimo e os acompañamos no seu loito.

Ata sempre compañeiro.

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Conoce cómo se procesan los datos de tus comentarios.